Stefán Ingi Guðjónsson

29.1.2008 | 01:38

Lífbreytandi trú

Ég er elsti sonur í stórri kínverski fjölskyldu. Við bjuggum í þorpi í Sungai Petani í Malasíu. Í Skólanum varð ég fyrir miklum áhrifum vina minna sem gerði það að verkum að ég leiddist út í götugengja slagsmál og byrjaði að reykja og nota eiturlyf. Eitt leiddi af öðru og brátt var ég farin að selja eiturlyf. Áður en ég áttaði mig á hættunni, náði armur lagana í mig og dæmi mig til tuttugu ára fangelsisvistar í Alor Star fangelsið.

Ég hélt áfram mínum reykingavana og notaði blaðsíður úr Gídeon Biblíu til að vefja saman sígrettur. Næstum hver fangi notaði pappírinn sem var að finna í Gídeon Biblíunni sem var mjög góður. Dag einn talaði harðgerður fangi ákaflega um Jesú til annarra fanga, eftir að hafa lesið Biblíuna. Ég komst af því síðar að hann hafði komist til trúar á Jesú. Ég sá einnig að fjórir aðrir fangar komust til trúar með því að lesa Gídeon Biblíuna.

Þetta fékk mig til að hugsa um kraftinn í þessari bók. Ég byrjaði að lesa frá 1 Mósebók. Dag einn var ég að lesa frá Lúkasarguðspjalli 12:6-7: „ Eru ekki fimm spörvar seldir fyrir tvo smápeninga? Og þó er ekki einn þeirra gleymdur Guði. Hárin á höfði yðar eru jafnvel öll talin. Verið óhræddir, þér eruð meira verðir en margir spörvar.” Þegar ég hætti að lesa kom sterk nærvera Guðs yfir mig og tárin streymdu niður mínar kinnar. Kærleikur Guðs, umhyggja hans og vera hellst yfir sálu mína og ég byrjaði að syngja.

Eftir að ég hafði tekið á móti Guði inn í líf mitt, var ég ákveðin um að fylgja Jesú. Ég bað hann að hjálpa mér til að vera betri maður á meðan ég var í fangelsinu. Hann gerði mig af nýrri sköpun í Kristi.

Það varð algjör umbylting í mínu lífi, umbylting sem aðeins Jesú gat gert. Ég var aðeins í þrettán ár í fangelsinu og þegar ég fékk frelsið að nýju fór ég til Langkawi til að byggja upp líf mitt. Það tókst með hjálp Guðs forstöðumannsins og kristna vina.

Núna er ég giftur og á yndislega konu og tvö börn. Ég er með mitt eigið fyrirtæki og hef nýlega gengið til liðs við Gídeon. Dýrð sé Guði fyrir hinn sannleikann sem við höfum í honum.

(lauslega þýtt og tekið úr Gídeon international fyrir Desember 2007)

Flokkur: Trúmál og siðferði | Breytt s.d. kl. 01:40 | Facebook