Kristinn Menningararfur

Svo menn hræddir við Kristna trú. Málið er að ef á flæma í Kristna trú út úr skólum landsins og reyna að minnka áhrif hennar kemur bara annað í staðinn. Vilja menn virkilega skipta á menningu okkar og lögum sem eru byggð á kristni trú út fyrir menningu austurlenska trúarbragða. Trúleysi er ekki til.

Guð blessi ykkur. 

 

P.s biðjum fyrir Pakistan, sérstaklega þeim sem eiga í hlut.

Myrtu fjölskyldu eftir brúðkaup

Athugasemdir

[Jónas Rafnar Ingason, 29.6.2009 kl. 11:49]

Er ekki Kristin trú austurlensk að upplægi!?!

[Tinna Gunnarsdóttir Gígja, 29.6.2009 kl. 12:31]

"Trúleysi er ekki til"?

 Viltu útskýra þessa fullyrðingu eitthvað nánar?

[Birgir Hrafn Sigurðsson, 29.6.2009 kl. 13:00]

Ég er trúleysingi.

[Hans Miniar Jónsson., 29.6.2009 kl. 13:33]

o.O Síðan hvenær var íslensk löggjöf byggð á kristinni trú?

Og Kristni á sinn uppruna í miðausturlöndum.

Og hvað er athugavert við önnur trúarbrögð? Til dæmis búddhisma? Hvernig er hann "verri" en kristni?

Og af hverju helduru að "eitthvað annað" hljóti að koma í staðinn?

Er ekki hægt að leggja niður kristnifræði í skólum án þess að fylla kennslutímana með öðrum trúarbrögðum?

Það vantar rök í þessa færslu.

[Alexander Kristófer Gústafsson, 29.6.2009 kl. 14:42]

Ég kýs kristna menningu framyfir Islamskann þótt ég sé trúleysingi, Islam er versta trúinn sem er mainstream

[Stefán Ingi Guðjónsson, 29.6.2009 kl. 14:46]

Sæll öllsömul

 Jónas, eins og Miniar fræddi okkur um er á Kristinn trú uppruna sinn i mið austur löndum en ekki í austurlöndum fjær

Tinna, Ég held að maðurinn trúi allaf á eitthvað, t.d forlagatrúar  stjörnuspeki eða eitthvað annað.

Birgir, eru í raun trú-laus?

Miniar. 

 1)o.O Síðan hvenær var íslensk löggjöf byggð á kristinni trú? Og Kristni á sinn uppruna í miðausturlöndum.

 2)Og hvað er athugavert við önnur trúarbrögð? Til dæmis búddhisma? Hvernig er hann "verri" en kristni? 

 1)Lögin ekki bara á Íslandi heldur í hinum vestræna heimi eru að grunni til byggð á Kristinni trú, t.d þú skalt ekki bera ljúgvitni, ekki stela, ekki girnast eigur náunga þíns osfrv. 

Hefur það gert íslensku þjóðinni eitthvað til miska að hafa kristnifræði í skólunum. Síður en svo.

2)Í Hindúisma er svokallað karma lögmál, ef ég trúi á það og sæi þig ligga hjálpvana út á götu, mætti ég ekki hjálpa þér þar örlög þín væru vegna þess slæma sem þú gerðir í fyrra lífi. Viðraðu þínar skoðanir í Íslamtrúar ríkjum um önnur trúarbrögð geti verið jafngóð og þeirra sjáðu  hversu margar mínútur þú fengir að vera í friði. Það hefur margt ljótt verið framið í nafni Kristinar trúar. Kristin trú byggir á manngæsku og umburðarlyndi fyrir náunganum.  1 Korintubréf 13 segir að þótt ég hafi allt annað að bera en hafi ekki kærleika sé ég ekki neitt.

Takk fyrir innlitið vinir

Guð blessi ykkur öll

[Sigurjón (IP-tala skráð) 29.6.2009 kl. 15:02]

Þótt þessi atriði finnast í kristinni trú þá finnst hún þar ekki eingöngu. Maður þarf ekkert að trúa því að syndlaus maður hafi fæðst af hreinini mey og verið drepinn á krossi til að átta sig á að maður eigi ekki að drepa, ljúga, stela, nauðga o.s.frv.

... reyndar er það síðasta alveg OK samkvæmt Biblíunni, eins lengi og nauðgarinn giftist fórnarlambinu á eftir.

Það er stór misskilningur að maðurinn trúi alltaf á eitthvað. Ég trúi ekki á neitt af því sem þú telur upp.

Svo er enginn að tala um austurlönd fjær. Þú minntist á "austurlensk trúarbrögð" í samhengi við atburði í Pakistan. Islam er upprunið á sömu slóðum og Gyðingdómur og Kristni, og því er Kristni jafn "austræn" og Islam.

[Birgir Hrafn Sigurðsson, 29.6.2009 kl. 15:12]

Ég er td trúleysingi gagnvart Þór, Óðni, Krishna, Stórfætti (BigFoot),Stjörnuspeki, Jah?ve, Harry Potter og öllum öðrum Ó/Ofur-náttúrulegum "Guð"- um. Vegna þess að engann þeirra er hægt að sanna vegna þess að enginn þeirra er til í hinum Raunverulega heim.

Þú ert Trúleysingi gagnvart fullt af gömlum "guð"-um sem fólk hélt (og heldur stundum enn) að væri til. Eini munurinn er sá að ég trúi ekki á einn fleirri en þú.

[Tinna Gunnarsdóttir Gígja, 29.6.2009 kl. 16:21]

Voðalega þvælist það fyrir mörgum að skilja merkingu orðsins trúleysi.

Ég hef "trú" á læknavísindunum (upp að vissu marki), það þýðir ekki að ég sé trúuð.

Ég hef "trú" á því að vinur minn klári skáldsöguna sem hann er sð skrifa. Það þýðir ekki að ég sé trúuð.

Ég "trúi" því að það sé rangt að drepa fólk. Það þýðir ekki að ég sé trúuð, því þessi niðurstaða mín er ekki fengin frá einhverjum ímynduðum guði eða úr einhverju fornu riti kenndu við yfirnáttúrlega veru, heldur komst ég að þeirri niðurstöðu að það væri samfélaginu ekki til bóta að drepa. Ég þarf engan guð til að segja mér það að það sé ekki fallega gert að myrða, stela eða nauðga.

Þar að auki dettur mér ekki í hug að pynta fólk, drekkja því eða hneppa það í þrældóm, hvað þá að hóta því með eilífri vist í logandi pytti ef það er ekki sammála mér - hlutir sem kristin trú hefur staðið fyrir og varið í gegnum aldirnar.

Ég sé ekki að kristin "siðfræði" hafi nokkra sérstöðu sem geri hana þess virði að halda í.

[Rósa Aðalsteinsdóttir, 30.6.2009 kl. 20:51]

Sæll Stefán minn

Það þarf að auka kristnifræðslu. Ekki veitir af eins og allt er hér á Íslandi.

Við þjóðin erum að uppskera eins og við höfum sáð til. Þjóðin hefur verið á hraðri leið að afkristnast og uppskeran er í takt við það - allt á hverfandi hveli.

Guð veri með þér "OFURBLOGGARI"  Vil sjá fleiri greinar.

Kær kveðja/Rósa

[Stefán Ingi Guðjónsson, 1.7.2009 kl. 00:36]

Ég sé að þessar umræður hafa aðeins hrist upp í ykkur vinir.

Sammála Rósa mín.

Tinna

Þar að auki dettur mér ekki í hug að pynta fólk, drekkja því eða hneppa það í þrældóm, hvað þá að hóta því með eilífri vist í logandi pytti ef það er ekki sammála mér - hlutir sem kristin trú hefur staðið fyrir og varið í gegnum aldirnar

Kristin trú eða kristnir menn hafa aldrei varið hið ljóta sem var gert í nafni kristinar trúar, það er skömm fyrir Guði og mönnum og hafði ekkert með Guð að gera. Ef þú myndir aðeins glugga í Biblíuna myndir þú sjá Guð hatar slíka hluti. Hann elskar þig eins og þú ert. Ég tel ekki að ég sé að hóta þér þegar ég segi að sé til Himnaríki og Helvíti, heldur í kærleika að benda þér á hvað Kristin trú segir. Þú hefur síðan val um trú þessu eða ekki

Því miður eru Kristnir pyntaðir og drepnir fyrir trú sína. Pyntaðir af öðrum sem aðhyllast önnur trúarbrögð, flest trúarbrögð eru friðsæl en því miður ekki öll.

Hvernig værir að þú myndir kynna þér kristna trú. Guð elskar þig Tinna

Kveðja Stefán

[Tinna Gunnarsdóttir Gígja, 1.7.2009 kl. 08:52]

Ég hef kynnt mér kristna trú, Stefán, þessvegna líkar mér ekki við hana. Kristnir hafa verið pyntaðir fyrir sína trú - en þeir hafa líka pyntað aðra.Síðan er það auðvitað helber lygi að segja að kristnir hafi aldrei varið hið ljóta sem var gert í nafni trúarinnar - nema þú ætlir að taka "no true Scotsman" á þetta.

Auðvitað telur þú þig vera að gera góðverk með því að benda fólki á að það kveljist að eilífu ef það er ekki sammála þér. Ég tel mig að sama skapi vera að gera góðverk með því að benda fólki á að það þurfi ekki að hafa áhyggjur af því t.d. að stunda sjálfsfróun, sofa hjá einhverjum af sama kyni, borða svínakjöt eða vinna á sunnudögum, þar sem það skipti engan máli nema það sjálft. Því sé óþarfi að eyða lífinu í ótta eða skömm byggt á einhverri gamalli bók.

Ósýnilegi gíraffinn í baðkarinu mínu elskar þig.

[Rósa Aðalsteinsdóttir, 1.7.2009 kl. 10:25]

Sæl Tinna mín.

Ég ætla bara að svara fyrstu málsgreininni. Rétt er það að kristnir hafa verið pyntaðir en því miður eru margir svartir sauðir sem segjast vera kristnir. Þeir sverta kristnidóminn með viðurstyggilegum aðgerðum sínum.

Það er ekki sama að vera sannkristinn og nafnkristinn.

Það er viðbjóðslegt að heyra að prestar í hinum ýmsu kirkjum, ekki bara kaþólskir misnoti börn. Þessir menn ættu að vera betur upplýstir. Ég trúi því að þeir muni fá harðan dóm þegar þeir deyja og fara fram fyrir þann dóm sem við þurfum öll að ganga í gegnum eftir líf okkar hér á  jörðu.

Ég vona til Guðs að þessir menn fái ljós yfir gjörðir sínar og biðji Jesú um fyrirgefningu á meðan þeir hafi tækifæri og eins þurfa þeir að biðja fórnarlömb sín um fyrirgefningu.

Guð veri með þér

Kær kveðja/Rósa

[Birgir Hrafn Sigurðsson, 1.7.2009 kl. 11:19]

Rósa og Kristinn,

Afhverju trúið þið á guð ?

kv

Birgir Hrafn

[Tinna Gunnarsdóttir Gígja, 1.7.2009 kl. 20:32]

Rósa: þetta er 'no true Scotsman' rökvillan:

A: "Kristnir gera aldrei neitt slæmt"

B: "Hvað með krossferðirnar/misnotkun barna/et.c?"

A: "Það voru ekki alvöru kristnir!"

[Rósa Aðalsteinsdóttir, 2.7.2009 kl. 00:14]

Sæl og blessuð

Birgir, sennilega átti þetta að vera Rósa og Stefán. Finn engan Kristinn hér.

Ég trúi á Guð frá því að ég var barn og það er mér svo eðlislægt. Nú svo á ég fullt af persónulegum trúarreynslu sem hafa gert líf mitt betra.

Tinna, kristnir gera margt rangt. En þeir þurfa að svara til saka eins og aðrir sem ástunda önnur trúarbrögð á þeirra hinsta degi.

Aftur á móti finnst mér að það geti nú ekki verið allt í lagi með mann sem segist vera kristinn sem misnotar barn. Hann getur varla verið í persónulegu sambandi við Guð almáttugan og gera svoleiðis svívirðu.

Boðorðin tíu boða m.a. að við eigum ekki að drýgja hór, ekki að fremja morð o.s.frv.

Dæmin sem þú tekur hér fyrir ofan eru þar af leiðandi synd og svívirða.

Guð veri með ykkur

Vona að Stefán komi á vaktina á blogginu sínu því hann er miklu betur til þess fallinn að svara en ég. Það er bara mín skoðun.

Shalom/Rósa

[Aðalbjörn Leifsson, 2.7.2009 kl. 06:14]

Í raun og veru er verið að tala um að einstaklingurinn sé "guðlaus" sumir trúa á mátt sinn. Kristin trú er ekki umburðarlynd gagnvart synd, það sem Tinna er að segja er að hún sé sinn eigin guð og geri það sem henni dettur í hug að gera.

Hún vill ekki leiðsögn, ef hún vill deyða barnið sitt sem hún gengur með þá finnst henni að engum komi það við. Ef hún vill sofa hjá vinkonu sinni eða gæludýrum þá komi það engum við. Í raun og veru kemur það engum við, fyrr en hún fer að segja að þetta sé það eina rétta.

Þetta er synd og laun syndarinnar er dauði. Reykingar, alkóhólismi og ólifnaður er synd, en sumir vilja lifa með þann rétt að stunda slíkt.

Kristnir benda á og segja þetta er rangur lífsmáti og gerir engum gott. Gegn því er Tinna að berjast, hún vill ekki að kristnir séu að benda henni á ágallanna.

Margir líta á losta sem kærleika, skapgerðabresti sem dyggð og röggsemi og ofát sem lífsgæði. En þetta er eitthvað sem við þurfum að losa okkur við.

Guð blessi ykkur öll Í Jesú nafni Amen.

[Tinna Gunnarsdóttir Gígja, 2.7.2009 kl. 08:51]

Aðalbjörn: Þú ert gott dæmi um ástæðu þess að mér líkar illa við kristna trú. Hún virðist breyta venjulegu fólki í elítista sem neita að taka einföldustu rökum, vegna þess að þeir eru svo vissir um að þeir hafi rétt fyrir sér.

Það er rétt hjá þér að ég vil ekki að kristnir "bendi mér á ágallana" en það er vegna þess að þeir gera það út frá röngum forsendum. Reykingar eru slæmar fyrir heilsuna, en þær eru ekki 'synd' vegna þess að það er ekkert til sem heitir 'synd'.

Hinsvegar hafa allir siðferði.

Reykingar eru ekki siðferðislega rangar - frekar en drykkja, eða að stunda kynlíf með viljugum einstaklingi - en að stunda kynlíf með dýri er hinsvegar ekki siðferðislega rétt. Þetta get ég ályktað án þess að nokkur guð komi nálægt. 

Kristnir hafa ætíð viljað refsa fólki fyrir hugsanir - jafnvel þær sem það ræður ekki við, tilfinningar sem náttúran hefur haganlega komið fyrir til að viðhalda kynstofninum- en það er einum of langt gengið að refsa fólki fyrir losta. Hefur þú aldrei litið á konu 'með losta í hjarta', Aðalbjörn? Hefurðu yfir höfuð stundað kynlíf (þá meina ég ekki með gæludýrinu þínu, þó þér virðist það hugleikið)? 

Ég geri ráð fyrir að þú sért fullkominn - Jesú sjálfur endurborinn - því annars myndirðu ekki standa hér og ausa grjóti yfir aðra. Eða er þér kannske alveg sama um Jesú? Er ástæða þess að þú þykist kristinn ekki einfaldlega sú að sá stimpill gefur þér "leyfi" til að dæma aðra án ótta um að þú verðir sjálfur dæmdur? 

[Mofi, 2.7.2009 kl. 11:57]

Tinna
vegna þess að það er ekkert til sem heitir 'synd'.

Synd er Biblíulegt hugtak yfir það að brjóta lögmál Guðs. Ef þú hefur stolið, logið, hatað, girnst það sem þú átt ekki eða drýgt hór þá hefur þú syndgað.

Að hafa skoðun á því að eitthvað sé rangt er ekki hið sama og maður haldi því fram að maður er fullkominn. Miklu frekar er sá sem segist vera kristinn að viðurkenna að hann hefur gert það sem er rangt og þarf á fyrirgefningu að halda og þarf á Guði að halda.

[Tinna Gunnarsdóttir Gígja, 2.7.2009 kl. 16:10]

Hvað varð um "sá yðar er syndlaus er..."?

[Aðalbjörn Leifsson, 2.7.2009 kl. 16:44]

Sæl Tinna mín, ég trúi ekki að ég sé ástæðan fyrir að þér líki ekki við Krist. Trúin breytir vissulega einstaklinginum og þá til hins betra. Jesús sagði að af ávöxtunum skulu þið þekkja þá. Ávextir þeirra sem eru ekki af Guði fæddir eru: 1. Frillulífi, 2. óhreinleiki, 3. saurlífi, 4. skurðgoðadýrkun, 5. fjölkynngi, 6. fjandskapur, 7. deilur, 8. metingur, 9. reiði, 10. eigingirni, 11. tvídrægni, 12. flokkadráttur, 13. öfund, 14. ofdrykkja, svall og annað þessu líkt. Þeir sem þetta stunda munu ekki Guðs ríki erfa.

Tinna allt það sem skemmir líkamann þinn er í raun og veru siðferðislega rangt, ekki eru allir menn sammála þér um að mök við skepnur séu siðferðislega rangar, ekki eru heldur menn sammála þér í því að Guð sé ekki til. Ekki eru allar tilfinningar okkar siðferðislega réttar, t.d það að langa í eitthvað sama hvað það kostar. Þetta er ekki siðferðislega rétt að hugsa svona.

Samband á milli karls og konu kallast hjónaband og er byggt á sáttmála á milli þeirra beggja. Traustið hverfur ef að konan þarf að deila manninum með öðrum konum og öfugt. Slíkt samband væri varla hægt að kalla kærleikssamband, miklu frekar lostasamband.

Nei kristnir vilja ekki ráða yfir hugsunum fólks, enda gaf Guð manninum frjálsan huga. Kristnir benda á að ef þú snertir ekkert óhreint þá óhreinkast þú ekki heldur.

Tinna þú verður þræll þess sem þú bíður ósigur fyrir, ef það er girnd eftir annarlegu holdi, gróðafíkn eða annað þá ert þú orðinn skotspónn óprúttinna manna sem láta klingja drembilegum hégóma orðum og tæla með holdlegum girndum og svívirðilegum lifnaði fólk sem er veikt fyrir.

Að endingu Tinna þá óska ég þér þess að náð og friður margfaldist þér til handa með þekkingu á Guði og Jesú Drottni mínum.

[Tinna Gunnarsdóttir Gígja, 2.7.2009 kl. 19:21]

Þannig að þú trúir ekki orðum Krists um að hver sá sem horfi á konu í girndarhug, hafi þegar drýgt hór með henni í hjarta sínu? Ef þu segir fólki að það fari til helvítis fyrir hugsanir, ertu að reyna að stjórna hugsunum þess. 

Það er satt að ekki eru allir sammála mér um að mök við dýr séu röng. Dætur Lots voru heldur ekki sammála mér um að það væri frekar nastí að ríða pabba sínum, "Guð" er ekki sammála mér um að það sé rangt að refsa börnum fyrir það sem foreldrar þeirra gera, eða að það sé rangt að nauðga konum, eða að þrælahald sé siðferðislega rangt, eða að það sé frekar asnalegt að drepa nánast öll dýr jarðarinnar vegna þess að menn hafi gert eitthvað af sér. 

Útskýrðu fyrir mér - án þess að vitna í Biblíuna -  hvers vegna samkynhneigð er röng, hvers vegna það er rangt að sofa hjá fólki (hér er ég að tala um ábyrgt, varið kynlíf), og hvers vegna það er rétt að grýta fólk sem sefur hjá utan hjónabands.

[Stefán Ingi Guðjónsson, 2.7.2009 kl. 19:39]

Sæl Tinna.

„að segja að kristnir hafi aldrei varið hið ljóta sem var gert í nafni trúarinnar - nema þú ætlir að taka "no true Scotsman" á þetta."

Ég veit ekki hvað þú hefur lesið þér til um Kristna trú, málið er að ég gæti farið um nafni Tinnu gera slæma hluti, þeir hefðu í raun ekkert með þig að gera jafnvel þótt að ég segðist vera gera þá í þínu nafni.  Þú segir að það sé helber lygi að Kristnir vilji gera öðrum gott, Hvernig væri að færa rök eða gefa mér RAUNVERULEG DÆMI frekar en fullyrða bara eitthvað. Ég get sagt þér að ef þú hefur kynnst einhverjum sem kallar þig kristin hegðar eins þú segir þá hefur viðkomandi týnt tilgangi trúarinnar. 

Guð blessi þig 

Stefán

[Stefán Ingi Guðjónsson, 2.7.2009 kl. 19:48]

Annar punktur.

Ég þekki mann sem var einn harðasti glæpamaður borgarinnar, hann rak vændishús stundaði handrukkun og eiturlyfjasölu. Loggan mætti að meðaltali 3 í viku til hans.

Fyrir nokkrum árum mætti hann Guði. Hann var einn heima og hann fékk að upplifa að Guð og sjá kærleika hans til sín. 

Þeir sem þekktu til þessa manns sjáu greinilega breytingu í lífi hans. Þetta var til þess að fleiri ógæfumenn í undirheimum borgarinnar fengu að mæta Guði.

Hann byrjaði með samfélag sem heitir Kærleikurinn.  Hann geislar af gleði og friði.

Fólk er alltaf að biðja um sannanir, ef þetta er ekki sönnun þá veit ekki hvað.

Þið getið kíkt á heimasíðuna   http://www.kaerleikurinn.is

Guð blessi ykkur öll

Þetta er málið, Þegar fólk fær að mæta Guði breytist líf þess

[Tinna Gunnarsdóttir Gígja, 2.7.2009 kl. 21:37]

Það er málið, Stefán. Hvernig veistu hvað Jesú hefði viljað að þú gerðir? Þeir sem drepa í nafni Guðs halda að þeir hafi höndlað sannleikann. Þeir sem vilja drepa alla samkynhneigða eru vissir um að þeir séu að fylgja vilja Guðs. Þeir sem sprengja fóstureyðingastöðvar eru sannfærðir um réttmæti aðgerða sinna.

Hvernig veistu að þín túlkun er réttari en Rósu eða Aðalbjörns eða Hitlers eða Torquemadas?

[Aðalbjörn Leifsson, 2.7.2009 kl. 22:59]

Sæl Tinna, ég trúi orðum Krists. Ég segi fólki ekki að það fari til helvítis, heldur að það sé annar og verri staður til sem er eldsdíkið og að þangað fari djöfullinn og allt skítapakkið hans. Það getur enginn stjórnað hugsunum annarra, menn hafa frjálsan vilja, Þú veist velja og hafna dæmið.

Nei og sumir vilja eiga mök við börn, lík og við aðra af sama kyni. Finnst þér að mök við dýr séu óeðlileg? Það finnst mér líka og mök við dauða, og sama kyn líka.

Nei Lots dætur voru frjálslyndari en þú villt vera (eða er það ekki) reyndar áttu þær heima í Sódómu, hefur þú heyrt um þá borg, þaðan er komið orðið að vera "Sódómískur" haldinn óeðli.

Jú þarna hefur þú rangt fyrir þér, syndir feðranna koma ekki niður á börnunum segir Drottinn Guð. Nauðgun er alltaf glæpur (ekki einungis á konum heldur líka á börnum og körlum)

Jú Guð er á móti þrælahaldi, þess vegna var Jesús sendur til okkar, hann var frjáls maður sem keypti okkur undan þrælahaldi Satans með blóði sínu. Þú veist Satan er guð þessarar aldar (jarðar-heims).

Jú Guð er sammála að það sé kjánalegt að útrýma dýrum vegna einhvers sem maðurinn hefur gert.

Samlíf á að vera til að búa til börn, kynlíf samkynhneigðra fæðir ekkert af sér nema sjúkdóma,kvöl, böl og leiðindi.

Það er rangt ef þú sefur hjá maka þínum, en ef hann þarf að deila þér með vinnustaðnum sínum já þá held ég að hann verði ekkert mjög glaður með það. Múslímskar konur eru ekkert hrifnar af fjölkvæni, heldur þú að maki þinn yrði glaður ef hann væri í fjölveri??

Það er ekki rétt að grýta fólk sem er utan hjónabands og er í sambandi. Manstu eftir bersyndugu konunni sem þvoði fætur Jesú, ekki grýtti hann hana, eða konunni við brunninn hún hafði átt marga menn, ekki var hún grýtt.

Tinna Jesús kom aðeins með hvíta steina enga svarta. Hvítir steinar og svartir voru notaðir í Austurlöndum þegar dæmt var í sakamálum. Hvítum steinum var fleygt á jörðina ef viðkomandi var sýknaður af sök.

Haf þú engar áhyggjur, við munum biðja fyrir þér. Guð geymi þig.

[Mofi, 3.7.2009 kl. 12:47]

Tinna
Hvað varð um "sá yðar er syndlaus er..."?

Kasti fyrsta steininum?  Aðeins Kristur er syndlaus svo það afgreiddi það mál.

Tinna
Þannig að þú trúir ekki orðum Krists um að hver sá sem horfi á konu í girndarhug, hafi þegar drýgt hór með henni í hjarta sínu?

Þarna var Kristur að útskýra að lögmálið á að ná til hjartans; ef þig langar að brjóta lögmálið þá ertu sekur í hjartanu.  Þeir sem eru sekir þurfa að einhver borgi gjaldið fyrir þá og þeir sem þurfa á nýju hugarfari sem er Guði þóknanlegt leita til Hans til að fá það.

[Tinna Gunnarsdóttir Gígja, 3.7.2009 kl. 16:50]

"Jú þarna hefur þú rangt fyrir þér, syndir feðranna koma ekki niður á börnunum segir Drottinn Guð."

2. Mósebók 43:6-7:

⁶Drottinn gekk fram hjá honum og kallaði: "Drottinn, Drottinn, miskunnsamur og líknsamur Guð, þolinmóður, gæskuríkur og harla trúfastur, ⁷sem auðsýnir gæsku þúsundum og fyrirgefur misgjörðir, afbrot og syndir, en lætur þeirra þó eigi með öllu óhegnt, heldur vitjar misgjörða feðranna á börnum og barnabörnum, já í þriðja og fjórða lið."

"Jú Guð er sammála að það sé kjánalegt að útrýma dýrum vegna einhvers sem maðurinn hefur gert."

3. Mósebók 20:15-16:

¹⁵Og eigi maður samlag við skepnu, þá skal hann líflátinn verða, og skepnuna skuluð þér drepa. ¹⁶Og ef kona kemur nærri einhverri skepnu til samræðis við hana, þá skalt þú deyða konuna og skepnuna. Þau skulu líflátin verða, blóðsök hvílir á þeim.

Síðan má líka benda á söguna af flóðinu, þar sem Guð ákvað að drepa nánast öll dýr jarðar vegna spillingar mannsins.

"Samlíf á að vera til að búa til börn, kynlíf samkynhneigðra fæðir ekkert af sér nema sjúkdóma,kvöl, böl og leiðindi."

Ef samlíf er eingöngu til að búa til börn, er þá ekki rétt að banna ófrjóum að giftast eða stunda kynlíf?  

Ef þetta seinna væri rétt myndi enginn hafa fyrir því að stunda kynlíf með aðila af sama kyni. Myndir þú borða ís ef átið æli aðeins af sér magakveisu, niðurgang, tannpínu og leiðindi? Samkynhneigð er náttúruleg - hún er eðlilegt frávik sem finnst hjá mörgum öðrum dýrategundum, ekki bara manninum. Er Satan kannske líka á bakvið "sódómísku" hjá pöndum, öpum og fuglum?

"Það er rangt ef þú sefur hjá maka þínum, en ef hann þarf að deila þér með vinnustaðnum sínum já þá held ég að hann verði ekkert mjög glaður með það. Múslímskar konur eru ekkert hrifnar af fjölkvæni, heldur þú að maki þinn yrði glaður ef hann væri í fjölveri??"

Ég veit ekkert hvað þú ert að tala um hérna. Er rangt að sofa hjá maka sínum? Hvaða vinnustað ertu að tala um? Ertu að segja að hjón eigi ekki að vinna saman? 

Sumar múslimskar konur eru ekki hrifnar af fjölkvæni, öðrum finnst það þægilegt fyrirkomulag. Ef allir aðilar eru sáttir, sé ég ekki nokkuð siðferðislega rangt við fjölkvæni eða fjölveri. 

[Aðalbjörn Leifsson, 4.7.2009 kl. 08:30]

Sæl Tinna mín, ég er ánægður með að þú skulir lesa Biblíuna, einnig er ég ánægður með að þú skulir viðurkenna að Guð sé til.

Í upphafi skapaði Guð Himinn og jörð, hann skapaði dýrin og manninn og hann sá að það var harla gott. En syndin kom í heiminn og maðurinn varð spilltur og vondur og heimurinn fórst og allir sem í honum voru nema örfáir menn og dýr. Þetta er alveg hárrétt hjá þér. Okkur sagt að illu andarnir trúa á Guð og skelfast. Eitthvað í þér trúir að Guð sé til og mikið veist þú um Guð, þú virðist þekkja lögmálið sem Gyðingum var gefið.

Lögmálið er sáttmáli á milli Gyðinga og Guðs, þeir voru hrokafullir og alltaf að mögla, í raun og veru óþjóða lýður. Þá kom lögmálið með öllum boðum og bönnum. Lögmálið var afnumið af Jesú frá Nazaret, hann negldi það á krossinn ásamt öllum þeim ákvæðum sem þjökuðu okkur. Kol 2:14 Lögmálið var aðeins skuggi þess sem koma átti.

Rétt segir þú að Guð sé miskunnsamur og gæskuríkur, þeir sem bregða trúnaði við hann, halda ekki sáttmálann við hann geta ekki lifað í blessun, þeir lifa í bölvun.

Í Esekíel 18:5-9 segir " Hver sá maður sem er ráðvandur, og iðkar rétt og réttlæti, sem etur ekki fórnarkjöt á fjöllunum og hefur ekki augu sín til skurðgoða Ísraelsmanna, flekkar konu náunga síns og kemur ekki nærri konu meðan hún hefir á klæðaföll, sem engan undirokar og skilar aftur skuldaveði sínu, tekur ekki neitt frá öðrum með ofbeldi, sem gefur brauð sitt hungruðum og skýlir nakinn mann klæðum, sem lánar ekki fé gegn leigu og tekur ekki vexti af lánsfé, sem heldur hendi sinni frá því, sem rangt er, og dæmir rétt í deilumálum manna, sem breytir eftir boðorðum mínum og varðveitir skipanir mínar, með því að gjöra það sem rétt er, hann er ráðvandur og skal vissulega lifa, segir Drottinn Guð".

Tinna þetta er það skilur á milli réttláts og rangláts manns samkvæmt því lögmáli sem Gyðingarnir fengu.

Drottinn Guð var líka með plan B. Esekíel 18:21 ef hinn óguðlegi hverfur frá öllum syndum sínum, sem hann hefur drýgt, og heldur öll mín boðorð og iðkar rétt og réttlæti, þá skal hann vissulega lífi halda og ekki deyja.

Jónas spámaður fór til Ninive, hún var gríðarlega stór og mennirnir vondir, Guð sagði spámanninum að spá yfir fólkinu og segja að þeir myndu farast. Fólkið gerði iðrun og Guð fyrirgaf þeim. Sódóma, Gómorra og borgirnar í kring þeim var eytt en ef 10 réttlátir hefðu fundist þá hefði Guð þyrmt borginni.

Það sem ég átti við með vinnustaðnum er að ef þú og maki þinn vinnið á sama stað, heldur þú að hann yrði ánægður með að deila þér með öðrum til samfara???

Gift kona sem slíkt gerir er kölluð hóra, jafnvel erkihóra. Hórkona tekur aðra menn undir bónda sinn. Skækju er vant að greiða gjald. Málsháttur einn er svona: "Mær er jafnan móður lík" hveri líkist þú?? Og dóttir þín, hverri líkist hún??

Ég veit ekki af hverju það á að banna allt, ekki vil ég banna fólki að eðla sig, bendi á að ekki eru öll mök eðlileg, hvorki samkynhneigð, barna, dýra, né með náum, eða nauðgun.

Múslímar reyna að hjálpa samkynhneigðum með ráðgjöf, Gyðingar líka, Kristnir einnig og þeir sem eru utan trúarbragða hafa fundi byggða upp á AA til að hjálpa fólki að komast út úr samkynhneigð. Sumir hafa losnað, enda er kynhneigð val.

Tinna þú veist að þeir sem stunda of mikið kynlíf enda stundum sem kynlífsfíklar, þeir vilja lifa eðlilegu lífi. Það er til hjálp og hjálpin er Kristur.

Ég veit að þú ert ekki mér sammála og það er allt í lagi, þú hefur val og mátt gera hvað sem er mín vegna, en ég hef valið að verða Kristinn og lifa í honum

Ég segi við þig be blessed and not stressed.

[Tinna Gunnarsdóttir Gígja, 4.7.2009 kl. 11:53]

Ég hef aldrei "viðurkennt að Guð sé til" - enda hef ég ekki séð neitt sem bendir til þess að svo sé.

Merkilegt að Guð skuli ekki hafa séð það fyrir að mennirnir myndu syndga - á hann ekki að vera alvitur? Merkilegt líka að hann skuli ekki hafa vílað fyrir sér að drekkja öllu lífi á jörðinni - á hann ekki að vera algóður? Merkilegast þó hvað hann skipti um karakter eftir að Jesú "kom til sögunnar" - á hann ekki að vera eilífur og óbreytanlegur um aldir alda?

"Og dóttir þín, hverri líkist hún??" Þar sem ég á enga dóttur, og ætla mér ekki að eignast börn, er þetta málinu óviðkomandi. Einnig þykir mér ómaklega vegið að móður minni.

 Segðu mér hvers vegna samkynhneigð er "óeðlilegri" en mök milli tveggja ófrjórra einstaklinga af gagnstæðu kyni. Kynhneigð er ekki val, Aðalbjörn. Þú getur ekki fullyrt það þvert á allar vísindalegar rannsóknir. Á hverju byggirðu þessa staðhæfingu? Varstu sjálfur samkynhneigður en hugsaðir svo allt í einu "Ég er að hugsa um að breyta til og verða gagnkynhneigður"? Hvers vegna ætti nokkur að vakna upp einn daginn og segja við sjálfan sig: "Veistu, í dag langar mig að missa nokkra af vinum mínum, láta prestinn minn segja mér að ég fari til helvítis, missa vinnuna af því að fólk treystir mér ekki til að vinna með börnum, og taka sénsinn á því að láta jafnvel berja mig eða drepa!"

"Það sem ég átti við með vinnustaðnum er að ef þú og maki þinn vinnið á sama stað, heldur þú að hann yrði ánægður með að deila þér með öðrum til samfara???"

Ég sé ekki að það skipti miklu hvort við vinnum saman eða ekki. Ég sagði aldrei að það væri auðvelt að vera í fjölkvæni/fjölverisambandi, í það þarf að leggja mikla vinnu rétt eins og tveggja manna sambönd. Ef allir aðilar eru sáttir sé ég ekki að það sé þitt að dæma. Fólk er jafn misjafnt og það er margt og þó svo þú getir ekki hugsað þér að "deila maka" eða sofa hjá fleiri konum þýðir ekki að enginn geti það.

Sunir enda sem kynlífsfíklar, sure. Langflestir gera það ekki, þrátt fyrir að stunda kynlíf oftar en þér finnst réttlætanlegt. 

"Lögmálið er sáttmáli á milli Gyðinga og Guðs, þeir voru hrokafullir og alltaf að mögla, í raun og veru óþjóða lýður. Þá kom lögmálið með öllum boðum og bönnum. Lögmálið var afnumið af Jesú frá Nazaret, hann negldi það á krossinn ásamt öllum þeim ákvæðum sem þjökuðu okkur. Kol 2:14 Lögmálið var aðeins skuggi þess sem koma átti."

"Ætlið ekki, að ég sé kominn til að afnema lögmálið eða spámennina. Ég kom ekki til að afnema, heldur uppfylla. Sannlega segi ég yður: Þar til himinn og jörð líða undir lok, mun ekki einn smástafur eða stafkrókur falla úr lögmálinu, uns allt er komið fram. Hver sem því brýtur eitt af þessum minnstu boðum og kennir öðrum það, mun kallast minnstur í himnaríki, en sá, sem heldur þau og kennir, mun mikill kallast í himnaríki."

[Aðalbjörn Leifsson, 4.7.2009 kl. 14:08]

Einmitt Tinna þú vitnar í Guð og Biblíuna sem heimild, það geri ég líka, við höfum ekki sömu skoðanir á málunum. Gott hjá þér að leiðrétta mig, þakka þér fyrir, trúi ekki að neinn myndi gera það nema sá sem af Guði væri fæddur eða djöfullinn, hann þekkir Biblíuna vel. Jú Guð er alvitur en hann stjórnar ekki hugsunum okkar né vilja. Menn hafa vaknað upp dag einn og ákveðið að myrða næsta nágrenni, nauðga börnum og konum og ég veit ekki hvað, þetta kallast að taka ákvörðun. Velja og hafna skiluru.

Tinna þú hefur val til að lifa eða deyja. Veldu lífið veldu Jesú Krist.

Guð blessi þig og þína þess bið ég í Jesú nafni. Amen.

[Ragnar Kristján Gestsson, 5.7.2009 kl. 09:10]

Kæra Tinna og reyndar þið öll hin líka.

ég fór að skrifa eitthvað sem átti að koma hingað varð óvart svo langt að ég póstaði því bara hjá mér og set því krækju hingað inn

http://ragnargests.blog.is/blog/ragnargests/entry/908548/

[Árni (IP-tala skráð) 5.7.2009 kl. 13:22]

"Um miðnætti laust Drottinn alla frumburði í Egyptalandi til bana, frá frumburði faraós, sem sat í hásæti sínu, til frumburðar fangans, sem sat í fangelsinu, og alla frumburði búfjár. ³⁰Faraó fór á fætur um nóttina ásamt öllum þjónum sínum og öllum Egyptum. Varð mikið harmakvein í Egyptalandi því að ekkert það hús var til að þar væri enginn látinn." 2. Mós 12:29-30

"skalt þú ekki láta undan honum og ekki hlusta á hann. Þú skalt hvorki hafa samúð með honum, hlífa honum né hylma yfir með honum ¹⁰heldur skaltu taka hann af lífi. Þú skalt vera fyrstur til að leggja hönd á hann til að taka hann af lífi. Því næst skal allt fólkið leggja á hann hendur. ¹¹Þú skalt grýta hann til bana" 5. Mós 13:9-11

Þetta er glæsilegur kristinn menningararfur hérna á ferðinni, og þetta er bara 2 dæmi, gamla testamentið er stútfullt af morðum, þrælkunum, þrælahald, lygum, framhjáhaldi og öllu því versta sem kristnir andmæla svo mikið og setja sig á háan hest út af. Guð gamla testamentisins væri mesti fjöldamorðingi sögunnar ef hann væri til.

[Stefán Ingi Guðjónsson, 7.7.2009 kl. 23:57]

Jæja þetta hafa verið góðar umræður og þakka ég öllum innlitið. Árni hvernig væri að læra boðorðin 10. Þau svara þínum vangaveltum

Guð blessi ykkur öll

Eitt að lokum,

ég átti vin sem bjó út í Malasíu, en Malasía er Múslimaland. Þegar Mel Gibson bjó til myndina passion of christ var hún undir eins bönnuð í landinu. En í Malasíu er mikil markaður fyrir sjóræningja myndir þ.a.s ólöglegar myndir. Bann stjórnvalda varð til þess að myndin fór eins og eldur í sinu og miklu fleiri múslímar horfðu á hana fyrir vikið. Þeir fóru að taka kristna trú í umvörpum. Megin ástæða þess að þeirra sögn var sú að þeir áttuðu sig á því að Alla þeirra Guð myndi aldrei hafa gert neitt í líkingu við það sem Jesú gerði á Krossinum á Golgata. Þeir tóku mikla sénsa og urðu jafnvel að gjalda fyrir hina nýju trú með lífi þínu. 

Ég segi það enn og aftur, Jesús breytir lífi fólks

Guð blessi ykkur