Umhverfistefnan

Eftir að hafa búið í 6 ár í Bretlandi finnst mér umhverfisstefna ráðamanna á Íslandi undarleg.

Í nokkurn tíma hefur verið boðið upp á svokallaðar grænar ruslatunnur og fólki sagt að það geti farið í áskrift og borgað 1000kr á mánuði fyrir þann „munað" að fá að nota þessa ágætu umhverfisvænu ruslatunnu. Þótt 1000kr séu kannski ekki mikill peningur,  er það kannski ástæðan fyrir því að við sjáum ekki grænar ruslatunnur við hvert hús.  Í stað þess að rukka fólk væri möguleiki fyrir sveitafélögin að lækka lítillega útsvar á þeim sem skuldbinda sig að nota þessar tunnur eða að koma til mót við þetta duglega fólk á einhvern hátt. Þótt Bretland sé eftir vill ekki umhverfis vænasta landið í heiminum, var ég duglegur að setja plast og pappa í þar til gerðan ruslapoka sem bærinn skaffaði frítt frítt Já frítt og voru síðan sóttir að dyrum. Það var með öðrum orðum reynt að láta fólk hafa sem minnst fyrir að sortera sitt daglega rusl.

Dísil bílar menga minna eyða minna osfrv. Ég skellti mér einn slíkan sem er rúmlega eitt og hálft tonn. Meðaleyðsla fyrir þennan þunga bíl er um 7. L á 100km. Samsvarandi bensín bíll væri að eyða um 12 L á 100km Ég var glaður og ég hugsaði með mér að ríkistjórnin myndi sjá til þess að Dísil olían væri allavegana á sambærilegu verði og bensínið. En það var nú öðru nær og  nú er um 10króna verðmunur á bensíni og olíu.

Ég bý á stór Reykjavíkursvæðinu, nánar tiltekið á suðurnesjum og þó atvinnumál hér séu í ágætu standi, fara margir í vinnu til Reykjavíkur. Væri ekki hægt að hafa strætó rétt eins og á Akranesi. Ég er viss um margir myndu nýta sér þjónustu þeirra.

Ég er alls ekki að gera lítið úr átakinu kolviður sem hið besta átak. En mér finnst samt sem áður að stjórnvöld sjá ekki skóginn fyrir trénu.

Betur má er duga skal.

Athugasemdir

[Bryndís Böðvarsdóttir, 30.3.2008 kl. 22:30]

Hjartanlega sammála hér!